ព័ត៌មានជាតិ

ព័ត៌មាន

សម្តេចធិបតី ហ៊ុន ម៉ាណែត៖ រោងចក្រមួយ ឬក៏ក្រុមហ៊ុនមួយ ត្រូវមានបុគ្គលិកក្នុងស្រុក ៩០% និង១០% ប៉ុណ្ណោះដែលមកពីក្រៅប្រទេស

AKP កំពង់ឆ្នាំង ថ្ងៃទី១៧ ខែកញ្ញា ឆ្នាំ២០២៦ --សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានគូសបញ្ជាក់ថា ច្បាប់ការងាររបស់កម្ពុជា បានចែងថា រោងចក្រមួយ ឬក៏ក្រុមហ៊ុនមួយត្រូវមានបុគ្គលិកក្នុងស្រុក ៩០% និង១០% ប៉ុណ្ណោះដែលមកពីក្រៅប្រទេស ដោយមិនអាចរោងចក្រមួយ ឬក្រុមហ៊ុនមួយមានអ្នកធ្វើការជាជនបរទេសច្រើនជាងជនជាតិខ្មែរនោះទេ ហើយការប្រើប្រាស់បុគ្គលិកបរទេសច្រើនជាងបុគ្គលិកក្នុងស្រុកនៅពេលចប់ការងារគេទៅស្រុកគេវិញអស់ ដោយពុំបានផ្ទេរចំណេះ ជំនាញមកឱ្យយើងទេ។

ព័ត៌មាន

មជ្ឈមណ្ឌលត្រួតពិនិត្យឧបករណ៍ហានិភ័យខ្ពស់ បើកវគ្គបណ្តុះបណ្តាល និងប្រឡងវាស់ស្ទង់សមត្ថភាពប្រតិបត្តិករ ដើម្បីពង្រឹងសុវត្ថិភាពឧស្សាហកម្ម

រាជធានីភ្នំពេញ៖ នៅថ្ងៃទី១៥ ខែកញ្ញា ឆ្នាំ២០២៦ មជ្ឈមណ្ឌលត្រួតពិនិត្យឧបករណ៍មានហានិភ័យខ្ពស់ បានរៀបចំសិក្ខាសាលាផ្សព្វផ្សាយស្តីពី «ការត្រួតពិនិត្យឧបករណ៍មានហានិភ័យខ្ពស់ និងវគ្គបណ្តុះបណ្តាលប្រឡងវាយតម្លៃប្រតិបត្តិករ» នៅសាលរបស់មជ្ឈមណ្ឌល ក្រោមអធិបតីភាព ឯកឧត្តម បណ្ឌិត ទីង ស៊ីនី រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងលោកអគ្គនាយកនៃអគ្គនាយកដ្ឋានមន្ទីរពិសោធន៍សំណង់ជាតិ នៃក្រសួងរៀបចំដែនដី នគរូបនីយកម្ម និងសំណង់។

ព័ត៌មាន

សម្តេចធិបតី ហ៊ុន ម៉ាណែត ស្នើឱ្យមានការសិក្សាពីទីផ្សាររថយន្ត មុននឹងដំឡើងរោងចក្រផលិតរថយន្ត នៅកម្ពុជា

AKP ភ្នំពេញ ថ្ងៃទី១៧ ខែកញ្ញា ឆ្នាំ២០២៦ -- សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានស្នើឱ្យមានការសិក្សាពីទីផ្សារលក់រថយន្ដ មុននឹងសម្រេចអនុញ្ញាតឱ្យដំឡើងផលិតរថយន្ត ខណៈកម្ពុជា មិនប្រញាប់បង្កើនចំនួនរោងចក្រដំឡើងរថយន្តនោះទេ ប៉ុន្តែ ផ្ដោតលើការជួយអ្នកវិនិយោគដែលមានស្រាប់ឱ្យរស់ និងរីកចម្រើន។ការលើកឡើងរបស់សម្តេចធិបតីនាយករដ្ឋមន្ត្រីបែបនេះ ក្នុងឱកាសអញ្ជើញចូលរួមជាអធិបតីពិធីសម្ពោធដាក់ឱ្យដំណើរការជាផ្លូវការរោងចក្រផ្គុំ និងដំឡើងរថយន្តរបស់ក្រុមហ៊ុន ធីអេច អូតូម៉ូធីវ មេនូហ្វេកឆឺរីង (TH Automotive Manufacturing) និងខ្សែសង្វាក់ផលិតកម្មរថយន្តម៉ាក GAC ស្ថិតក្នុងស្រុកកំពង់ត្រឡាច ខេត្តកំពង់ឆ្នាំង នាព្រឹកថ្ងៃទី១៧ ខែកញ្ញា ឆ្នាំ២០២៦។

ព័ត៌មាន

ឯកឧត្ដម ឧបនាយករដ្ឋមន្រ្ដី ប្រាក់ សុខុន៖ កម្ពុជា ស្នើគណៈកម្មការផ្សះផ្សាឱ្យមានកិច្ចព្រមព្រៀងណាមួយ ឬសន្ធិសញ្ញាស្តីទីការកំណត់ដែនសមុទ្ររួម

AKP ភ្នំពេញ ថ្ងៃទី១៦ ខែកញ្ញា ឆ្នាំ២០២៦--- ឯកឧត្ដម ប្រាក់ សុខុន ឧបនាយករដ្ឋមន្រ្ដី រដ្ឋមន្រ្ដីក្រសួងការបរទស និងសហប្រតិបត្ដិការអន្ដរជាតិបានគូសបញ្ជាក់ថា តំណាងកម្ពុជា បានស្នើឱ្យគណៈកម្មការផ្សះផ្សាបង្កើតឱ្យមានកិច្ចព្រមព្រៀងណាមួយ ឬសន្ធិសញ្ញាស្តីពីការកំណត់ដែនសមុទ្ររួមគ្នារវាងកម្ពុជា និងថៃ។

ព័ត៌មាន

រដ្ឋមន្រ្ដីការបរទេសកម្ពុជា លើកឡើងថា កម្ពុជា មានសុឆន្ទៈ និងការប្តេជ្ញាចិត្តនៅក្នុងការធ្វើការងារជិតស្និទ្ធជាមួយគណៈកម្មការផ្សះផ្សា ដោយធ្វើក្នុងស្មារតីនៃកិច្ចសហប្រតិបត្តិការ និងភាពស្មោះត្រង់

AKP ភ្នំពេញ ថ្ងៃទី១៦ ខែកញ្ញា ឆ្នាំ២០២៦-- ឯកឧត្តម ប្រាក់ សុខុន ឧបនាយករដ្ឋមន្រ្ដី រដ្ឋមន្រ្ដីក្រសួងការបរទេស និងសហប្រតិបត្ដិការអន្ដរជាតិបានថ្លែងថា ក្នុងនាមជាប្រទេសដែលបានស្នើ និងផ្ដើមគំនិតនូវការផ្សះផ្សាដ៏សំខាន់ កម្ពុជា បានធ្វើដំណើរទៅកាន់ប្រទេសសិង្ហបុរី ប្រកបដោយសុឆន្ទៈ និងការប្តេជ្ញាចិត្តនៅក្នុងការធ្វើការងារជិតស្និទ្ធជាមួយគណៈកម្មការផ្សះផ្សា ដោយធ្វើក្នុងស្មារតីនៃកិច្ចសហប្រតិបត្តិការ និងភាពស្មោះត្រង់ ហើយយើងមានបំណងស្វែងរកដំណោះស្រាយដោយសន្តិវិធី និងអាចទទួលយកបាន។

ព័ត៌មាន

គណៈកម្មការផ្សះផ្សាក្រោមអនុសញ្ញាអង្គការសហប្រជាជាតិស្តីពីនីតិសមុទ្រ បញ្ចប់កិច្ចប្រជុំលើកទី១ ជាមួយប្រទេសកម្ពុជា និងថៃ

ព័ត៌មាន

UNCLOS Conciliation Commission Concludes its First Meeting between Cambodia and Thailand

ព័ត៌មាន

ឯកឧត្តមឧបនាយករដ្ឋមន្ត្រី ប្រាក់ សុខុន អញ្ជើញផ្តល់បទសម្ភាសន៍ពាក់ព័ន្ធនឹងកិច្ចប្រជុំរវាងគណៈកម្មការផ្សះផ្សា នៃ UNCLOS ជាមួយកម្ពុជា និងថៃ

AKP កណ្តាល ថ្ងៃទី១៦ ខែកញ្ញា ឆ្នាំ២០២៦--ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ក្នុងនាមជាភ្នាក់ងារកម្ពុជា អញ្ជើញផ្តល់បទសម្ភាសន៍ដល់អ្នកសារព័ត៌មាន នៅអាកាសយានដ្ឋានអន្តរជាតិតេជោ ខេត្តកណ្តាល នាល្ងាចថ្ងៃទី១៦ ខែកញ្ញា ឆ្នាំ២០២៦ បន្ទាប់ពីបានអញ្ជើញទៅចូលរួមកិច្ចប្រជុំរវាង គណៈកម្មការផ្សះផ្សា នៃអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) ជាមួយកម្ពុជា និងថៃ រយៈពេល៣ថ្ងៃ នៅសាធារណរដ្ឋសិង្ហបុរី។ រូបថត៖ យឹម សុវឌ្ឍនា / AKP

ព័ត៌មាន

ឧត្តមសេនីយ៍ត្រី ANTERO S. NARCISE PN (M) អនុប្រធានអធិការកិច្ច នៃកងទ័ពហ្វីលីពីន និងក្រុម AOT ចុះពិនិត្យស្ថានភាពជាក់ស្តែងអំពីស្ថានភាពតាមបណ្តោយព្រំដែនកម្ពុជា-ថៃ នៅតំបន់ច្រកបឹងត្រកួន

អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖ នៅថ្ងៃពុធ ទី១៦ ខែកញ្ញា ឆ្នាំ២០២៦ វេលាម៉ោង ១៤:៣៧នាទី ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូន ឧត្តមសេនីយ៍ត្រី ANTERO S. NARCISE PN (M) អនុប្រធានអធិការកិច្ច នៃកងទ័ពសាធារណរដ្ឋហ្វីលីពីន និងក្រុមអ្នកសង្កេតការណ៍អាស៊ានប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដើម្បីចុះពិនិត្យស្ថានភាពជាក់ស្តែងអំពីស្ថានភាពតាមបណ្តោយព្រំដែនកម្ពុជា-ថៃ នៅតំបន់ច្រកបឹងត្រកួន ស្ថិតនៅឃុំគោករមៀត ស្រុកថ្មពួក ខេត្តបន្ទាយមានជ័យ។   ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានធ្វើបទបង្ហាញសង្ខេប និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ និងការធ្វើសកម្មភាពនៃដាក់ពង្រាយទូកុងតឺន័រ រាយបន្លាលួស ជីកប្រឡាយ ធ្វើលេណដ្ឋាន ការបំផ្លិចបំផ្លាញហេដ្ឋារចនាសម្ព័ន្ធ ផ្ទះសម្បែង ទ្រព្យសម្បត្តិរបស់ប្រជាពលរដ្ឋ និងការកាន់កាប់ទឹកដីកម្ពុជាដោយខុសច្បាប់របស់យោធាថៃ នៅតំបន់ច្រកបឹងត្រកួន ស្ថិតនៅឃុំគោករមៀត ស្រុកថ្មពួក ខេត្តបន្ទាយមានជ័យ ដែលសកម្មភាពទាំងនោះធ្វើឱ្យប្រជាពលរដ្ឋស្លូតត្រង់កម្ពុជាជាច្រើនគ្រួសារមិនទាន់អាចវិលចូលលំនៅដ្ឋានពួកគេវិញបាននៅឡើយ។   ការចុះសង្កេតការណ៍ ពិនិត្យ និងផ្ទៀងផ្ទាត់ នៅទីតាំងខាងលើដោយផ្ទាល់របស់ ឧត្តមសេនីយ៍ត្រី ANTERO S. NARCISE PN (M) និងក្រុមអ្នកសង្កេតការណ៍អាស៊ាន រឹតតែគូសបញ្ជាក់ពីភាពចាំបាច់ជាដាច់ខាតក្នុងការចាប់ផ្តើមកិច្ចការវាស់វែងខណ្ឌសីមាដោយគណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ ឱ្យបានឆាប់បំផុត ស្របតាមកិច្ចព្រមព្រៀងដែលមានស្រាប់ដូចមានចែងនៅក្នុងចំនុចទីបួននៃសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥ ដើម្បីអនុញ្ញាតឱ្យប្រជាពលរដ្ឋស៊ីវិលស្លូតត្រង់របស់កម្ពុជាអាចវិលត្រលប់ទៅលំនៅដ្ឋានវិញដោយមិនមានការរារាំង ព្រមទាំងដោយសុវត្ថិភាព និងកិត្តិយស។